ალბათ არ არსებობს ამქვეყნად ადამიანი, რომელსაც ხასიათში ე.წ. “ჩრდილოვანი” მხარეები და ისეთი თვისებები არ გააჩნია, რომელთა სახალხოდ გამომზეურებასც იგი მაქსიმალურად ერიდება. თუმცა, ზოდიაქოს ნიშანი, ძალიან ხშირად ხდის ფარდას იმ თვისებებს რომელსაც თითოეული ჩვენთაგანი გულმოდგინედ მალავს, ზრდილობიანობის იმიჯს მიღმა… მოდით, სათითაოდ გადავავლოთ თვალი იმას, თუ როგორია, ე.წ. “გაყვნილობის ინდექსი” ამა თუ იმ ზოდიაქოს ნიშნით დაბადებულ ადამიანში.
ვერძი – ვეძების დიდი ნაწილი გამაღიზიანებლად ინფანტილური და უკიდურესობამდე უხეშია. ამ ხალხს შორის, თვითკმაყოფილ ხეპრეებს ყველაზე დიდი დოზით ვხვდებით. მოსწონთ ბილწსიტყვაობა და ექსტრემალურ სიტუაციაში სექსი.
კურო – კუროს კარგად ეხერხება “ჩრდილოვანი მხარეების” დამალვა, თუმცა, ზოდიაქოს ამ ნიშნით დაბადებულებსაც საკმარისი რაოდენობით გააჩნიათ “ტარაკანები” ხასიათში. ძალზე ხშირად ეს ძალადობისკენ მიდრეკილება და სადისტური ელემენტებია.
ტყუპი – ტყუპის ძირითადი და უმთავრესი “იარაღი” ენაა. ამიტომ ზოდიაქოს ამ ნიშნით დაბადებულებში ყველაზე ხშირად გარყვნილი ლექსიკის მქონე ინდივიდებს ვხვდებით. უფრო მეტიც, ბევრი მათგანი საუბრისას ისეთ უხამსობებსაა მიჩვეული შეიძლება, უხერხულობისგან გაცილებით უფრო მოკრძალებულ ადამიანს, ყურები “დაუხუჭუჭდეს”.
კირჩხიბი – უცოდველობისა და სანიმუშო მეოჯახის იმიჯს ამოფარებული მაზოხისტია, რომელსაც საოცარ სიამოვნებას ანიჭებს სხვებისთვის ლაფის მისხმა, ოღონდაც საკუთარი უმწიკვლო იმიჯისა და ანონიმურობის სრული დაცვის გარანტიით.
ლომი – თვითკმაყოფილი და მედიდური ეგოცენტრიკია, რომელსაც პერიოდულად “განდიდების მანია” და ნარცისიზმის მძაფრი შემოტევები ახასიათებს. იმიჯის შესაქმნელად მზადაა ნებისმიერის რეპუტაციას შესდგეს ტალახიანი ფეხებით. მოსწონს სხვისი გაკეთებული საქმეებით თავის მოწონება და ეს ძალზე ბუნებრივად გამოსდის.
ქალწული – ენატანია, მაბეზღარა და მეწვრილმანე ინდივიდია. ოსტატურად ეხერხება სხვადასხვა სახის, ბიუროკრატიული მამაძაღლობები. საიმიჯო პეწენიკობისა და მორალისტობის მიღმა სექსუალურ გადახრებს ან სადო-მაზოხისტურ მიდრეკილებებს, ოსტატურად მალავს.
სასწორი – აფერისტი და მშიშარაა. როგორც წესი, ყოველთვის სამართლიანობის დაცვის პრინციპს ემხრობა, მანამ სანამ რეალურად არ დადგება მომენტი ზემოთ ხსენებული პრინციპის დასაცავად. აქვს ჩვევა საკუთარი ნათქვამი უკან წაიღოს ან თანამოაზრეებს გადააბრალოს, თითქოს მათ ურჩიეს ამა თუ იმ ფრაზის გაჟღერება.
მორიელი – ძალაუფლების სიყვარული მისი აქილევსის ქუსლია. ამასთან ერთად მითები, მისი უძლეველობის შესახებ ყოველთვის როდი შეესაბამება სიმართლეს. დაუსჯელობის გარანტია თუ აქვს, შეუძლია, ხელი ნებისმიერ შავ საქმეს მოაწეროს. თუმცა, თუკი საკითხი მის პირად ინტერესებს ან თავმოყვარეობას ეხება, არც სასჯელის შიში შეაშინებს შურისძიების აღსრულებისას.
მშვილდოსანი – ენაჭარტალა დემაგოგი, რომელსაც არასოდეს ახსოვს დანაპირების შესრულება. აღმერთებს სექსუალურ ორგიებსა და ჯგუფურ აღვირახსნილობებში მონაწილეობის მიღებას. თუმცა, ეს ხელს არ უშლის პერიოდულად მორალი წაუკითხოს, მასზე გაცილებით უფრო მოკრძალებული ცხოვრების წესის მქონე ინდივიდებს.
თხის რქა – სნობი, მედროვე და კარიერისტია. სანამ სასურველ თანამდებობამდე მივა არანაირი სახის მლიქვნელობა და “ვაზელინობა” არ ეთაკილება. თუმცა, როცა პოზიციებს გაიმყარებს, წარსულის “გადმონაშთ” ადამიანებს მარტივად და სამუდამოდ მოიშორებს თავიდან. სოციალური სტატუსის შეცვლის შემდეგ, ქუჩაში შემხვედრ ძველ მეგობართან უტიფრად უარყოფს თითქოს ეს უკანასკნელი მისი ნაცნობია და გაყინული სახით, მშვიდად აუხსნის, რომ ვიღაცაში შეეშალა.
მერწყული – სურვილი საზოგადოება საკუთარი პიროვნებით დააინტერესოს იმდენად დიდი აქვს, რომ ხშირად მზადაა ნებისმიერი სახის სისულელე გააკეთოს. შინაგანად დიქტატორია; თუმცა, საკუთარ ამბიციებს “შიზოიდური” გამოხტომებით იკმაყოფილებს, იმ იმედით, რომ ასე უფრო დიდი მასა აღიარებს მის გენიალურობას.
თევზები – ერთი შეხედვით აბსოლუტურად უვნებელი, უმწეო ადამიანის შთაბეჭდილებას ტოვებს. შესაძლოა გეგონოთ, რომ ხშირად ისიც კი არ ესმის ბოლომდე, რასაც ეუბნებიან და საკუთარ სამყაროში დაფრინავს. სინამდვილეში კი თევზებს ბადალი არ მოეძებნებათ ინტრიგების ხლართვასა და სხვების შესახებ ნაირ-ნაირი, არცთუ სახარბიელო ჭორების გავრცელებში. რატომ აკეთებენ ამას? იმიტომ რომ უბრალოდ გამბედაობა არ ჰყოფნით საკუთარი ემოცია ღიად დაუფიქსირონ მათ ვისგანაც რაიმე სწყინთ.
