წლის ყველაზე მნიშვნელოვანი ღონისძიება მოდის სფეროში “Mercedes-Benz Fashion Week Tbilisi 2015” – ბესარიონის ჩვენებით დაიხურა.
ღონისძიებაში 21 ქართველ დიზაინერს ჰქონდა საშუალება, წარმოეჩინა თავისი კოლექცია და გაეცნო მსოფლიოს მათი ნამუშევრები. ღონისძიების მთავარი მიზანი სწორედ, ახალიდიზაინერების აღმოჩენა და მსოფლიოს გავლენიან ფიგურებს შორის მოდის სამყაროში კავშირის დამყარებას ემსახურება.
მოდის კვირეულის ესწრებოდნენ ამერიკული, იტალიური, რუსული “ვოგის” რედაქტორები და ჟურნალისტები. „Mercedes-Benz Fashion Week Tbilisi“-ი გააშუქა “ნიუ-იორკ თაიმსმა”, “ელი”, “კოლეზიონმა” და სხვა წამყვანი მოდის გამოშვებებმა.
20 წელია რაც “Mercedes-Benz” მოდის ყველაზე პრესტიჟული ღონისძიებების ჩვენებების პარტნიორად იქცა. ბერლინში, მოსკოვში, სტამბოლში, მილანში, ლონდონში, ნიუ-იორკში და კიდევ სხვა მრავალ ქალაქში ტარდება ანალოგიური მოდის კვირეულები.
ჟურნალ “ბომონდის” მიერ ორგანიზებულ წვეულებაზე იყვნენ მიწვეულნი „Mercedes-Benz Fashion Week Tbilisi“-ის შესაჯამებლად, დიზაინერები, ჟურნალისტები, მსოფლის სხვადასხვა კუთხიდან ჩამოსული კრიტიკოსები და ბლოგერები.
“Mercedes-Benz Fashion week Tbilisi 2015” მოდის მოყვარულებს გაზაფხულამდე დაემშვიდობა. რამდენიმე დღეში ქართველი დიზაინერების შესახებ მოდის წამყვან ჟურნალებში დაწერენ. უკვე ცნობილია, რომ მოდის კრიტიკოსებმა და ჟურნალისტებმა საქართველო კარგად შეფასეს.
მოდის მოყვარულებს კი საშუალება ეძლევათ ახალწლამდე ქართველი დიზაინერების ნამუშევრები დათვალიერონ და შეიძინონ “თბილისი მოლში”, სპეციალურად ამ კვირეულის ფარგლებში მოწყობილ „Showroom“-ში.
მოამზადა
ნათია ეგნატაშვილმა