- ოსკარი, როგორც ამერიკის უმაღლესი კინოაკადემიის დაჯილდოების ცერემონია, პირველად 1929 წელს ლოს ანჯელესში „ჰოლივუდ რუზველტ ჰოტელში“ გაიმართა, ხოლო ტელევიზიით პირველად 1953 წელს გადაიცა.
- დღეს ოსკარის დაჯილდოების პირდაპირი ტრანსლიაცია მსოფლიოს 200-ზე მეტ ქვეყანაშია.
- პირველ ცერემონიას ესწრებოდა დაახლოებით 270 ადამიანი.
- ბილეთის ღირებულება 5 დოლარს შეადგენდა (2015 წლის კურსით 69 დოლარი).
- 1929 წელს სულ გადაიცა ოსკარის 15 ქანდაკება.
- ოსკარის პირველი ცერემონია დახლოებით გაგრძელდა 15 წუთი.
- ოსკარის ნომინაცია „საუკეთესო უცხოენოვანი ფილმი“ 1937 წლის 27 მარტს დამკვიდრდა.
- ქანდაკება, რომელსაც პრიზად გადასცემენ მსახიობებს, დამზადებულია მოოქროვილი ბრიტანიუმისგან, შავი ფერის ლითონის სადგომით.
- ოსკარის ქანდაკება სიმაღლეში 34 სანტიმეტრია და იწონის 3,85 კილოგრამს. არტ-დეკოს სტილში გამოსახულ რაინდს ხელში უჭირავს ჯვაროსნის ხმალი, დგას კინოფირის ხუთ კოლოფზე, რაც სიმბოლურად გამოხატავს კინოაკადემიის ხუთ მთავარ მიმართულებას: მსახიობები, რეჟისორები, სცენარისტები, პროდიუსერები და ტექნიკური პერსონალი.
- ოსკარის ქანდაკების შექმნის დროს არ გამოუყენებიათ არანაირი მოდელი.
მოამზადა:
სალომე უბირიამ