50 Cent. რეპერი 8 წლის იყო, როცა დედა გარდაეცვალა. ქალს სასმელში საწამლავი ჩაუყარეს და მას შემდეგ, რაც გონება დაკარგა, საკუთარ ბინაში გაზით გაგუდეს. ბიჭი საცხოვრებლად ბებიასთან და დეიდებთან გადავიდა. მას უბრალოდ უთხრეს, რომ დედა აღარ მოვიდოდა და მათთან დარჩებოდა.
ვუდი ჰარელსონი. მსახიობის მამას ბრალს დებდნენ ცნობილი იურისტის ძმის გატაცებასა და მკვლელობაში. განზრახ მკვლელობისთვის იგი 80-იან წლებში გაასამართლეს.
მისი ელიოტი ბავშვობაში მუდმივად განიცდიდა ზეწოლას ოჯახის მხრიდან. ბიძაშვილიმა 8 წლის მისი არაერთხელ გააუპატიურა, მამამისი კი დედაზე ძალადობდა. 14 წლის ასაკში მომღერალმა დაინახა, როგორ ცდილობდა მამა იარაღით მოეკლა მეუღლე. ეს ყველაზე მძიმე მომენტია მისი წარსულიდან.
რიანა. მომღერალი იშვიათად საუბრობს ბარბადოსზე გატარებულ ბავშვობაზე. მამა კოკაინის მომხმარებელი იყო და დედამისზე ხშირად ძალადობდა. მას შემდეგ, რაც ისინი შერიგდნენ, რიანა იხსენებს: ,,მართალია, დედას საშინლად ექცეოდა, მაგრამ ეს არცკი შეედრება იმას, რა კარგი მამა იყო“.
ნაომი უოტსი ბედნიერ და მოსიყვარულე ოჯახში დაიბადა, დედამისი ტანსაცმლის დიზაინერი იყო, მამა- ,,პინკ ფლოიდის“ ხმის რეჟისორი. ნაომი 8 წლის იყო, როცა მამამისი ნარკოტიკების გადაჭარბებული დოზის გამო გარდაიცვალა. ამის შემდეგ ოჯახს ხშირად უწევდა საცხოვრებელი ადგილის შეცვლა.
ლეიტონ მისტერი. მსახიობის დედამ ციხეში იმშობიარა. იგი სასჯელს ნარკოტიკების შენახვისთვის და იამაიკიდან მარიხუანას შემოტანისთვის იხდიდა. სამი თვის განმავლობაში ისინი ერთად ცხოვრობდნენ ციხესთან ახლოს მდებარე სახლში, შემდეგ კი დედამ სასჯელის მოხდა გააგრძელა. ლეიტონი ბებიამ გაზარდა. გათავისუფლების შემდეგ ქალს ხშირად ჰქონდა წარმატებულ შვილთან კონფლიქტი და მუდმივად სთხოვდა ფულს ნარკოტიკებისთვის.
დილან მაკდერმოტი. ,,American Horror Story”-ს მსახიობს ტრაგიკული ბავშვობა ჰქონდა. დედამ 15 წლის ასაკში გააჩინა, რომელიც მოგვიანებით ჰეროინზე დამოკიდებული ბოიფრენდის მსხვეროლი გახდა. დილანმა საქმე 2011-2012 წლებში აღძრა და ჯონ სპონსა განზრახ მკვლელობაში დამნაშავედ სცნეს.
ქრისტინა აგილერა ბავშვობაზე ექვსი წლის წინ ალაპარაკდა. მომღერლის თქმით, მამა ხშირად უსწორდებოდა ფიზიკურად. ერთხელ, იმის გამო სცემა, რომ ზედმეტად ხმაურობდა, როცა მამა დაძინებას ცდილობდა.
ნიკი მინაჯის მამა ნარკოტიკებსა და სასმელზე დამოკიდებული იყო. მომღერალმა მთელი ბავშვობა იმაზე შიშში გაატარა, რომ მამა დედამისს მოკლავდა.
ჯიმ ქერის ბავშვობა ნამდვილად არ იყო სასაცილო. მამამისმა სამსახური დაკარგა, როცა ჯიმი 12 წლის იყო და ოჯახი ყველანაირი ქონების გარეშე, უსახლკაროდ დატოვა. გარკვეული პერიოდის განმავლობაში, მსახიობი მშობლებთან და სამ დედმამიშვილთან ერთად ფურგონში ცხოვრობდა.
ოპრა უინფრი. ცნობილმა ტელეწამყვანმა ბავშვობა მისისიპიში, საშინელ პირობებში გაატარა. 9 წლიდან მასზე გამუდმებით ძალადობდნენ ოჯახის წევრები. 14 წლის ოპრა დაორსულდა და ბავშვი დაკარგა. ამან განაპირობა ის, რომ ჯერ კიდევ სკოლის მოსწავლემ მუშაობა რადიოში დაიწყო და სახლიდან წამოვიდა.
მოამზადა: თინა ღურწკაიამ
